Mera Pehlaa Din....

Jab usski Aankhein itney pyaar se,  mujhe Dekh rhi hongi...
Kar Rahi hongi hazaaro baat , or mujhse kehh rhi hongi...
Tujhe ab raahat toh hain..?
Koshish bahot ki hogi,  uss din kehney ki...
Lekin kuchh bhi kehna mushkil tha..
Jubaan bahot nazuk thi , Aur bs Hosh hi toh  tha...

Umido sey bhari baato key baad, jannat sey milaya gya..
Jab mujhe, Maa key God me sulaaya gyaa..
Sukun itna ki , aakho ke Moti , achank muskuraaht me badal gyey...
Raah ke kankad , naa jaaney kab ,
Phoolo me badal gyey..

Ek Aur khubsurt Ishq , Nihaar rha thaa ,
Baichaino ko smet, Idhr-Udhr baag rha tha...
Aur jab uski nigaah mujhe takraayi..
Meri palko ne bhi aahat dekhaayi...
Uskey Aankho me pyaar itna tha ki ...
Jannat ko ek Baar chhor, Uss Pitaa ke siney se lagney ko thaa...

Par Woh gambir they, kuchh Soch rhey they..
Apni hi uljhno me uljhey.., Maa se kuchh bol rhey they..
Wese toh bahot strong they , bas mujhe uthaney se Dar rhey  they .
Kahi kuchh ho naa jaaye mujhe , Iss baat ki fikar Kar rhe they ...

Unhoney koshish ki , Aur Dhirey se haatho
Ko MERI Or bdhaayaa..,
Fir Mujhe Utha ,apney dilsey se lgayaa...
Dhadkney itni tez thi ,ki...Mey ghabrayaa...
Kahiin kho naa du inkey, Ishq ko...
Isliye Motio ko bahaanaa bnaa , Maa ki God me samaayaa....
Pitaa ki uljhne ,ab suljhne lagi thi...
Maa ke Saath milkar , bahot sii mithi Baatey karney lagi thi...

Khushiyaa Itni thi , Ki Palko Ney,  

Nazrey jhukaai Aur thodi si lee angdaayi...
Tabhi Maa sab samjh gayi...
Pitaa ko rok , mujhko Mithi si thapki dekr sulaayi..
Pitaa Ney bhi , Maa ki baato me sehmati dikhai ...
Aur merey Maathey ko chum...
Kuchh pal ke liye ,Di bidaayi....

Dosto , Iss dharti par ishawar , kewal do hi roop me Hai ... Mata  Aur  Pitaa...
Or yeh hi Ishq , sabsey khubsurt Hai...