Ek Katl Aisa BHI....

Jab ek chidiya nikalti Hai apney ghosley se Subah Aur Shyam Ko laut Kar Ghar aati Hai.
Bs Isi Subah Aur shyaam ke bich basey Armaano ki kahani Hai ,joh basti Hai uskey dimaang Mey...... Aur ruthti chali jaati Hai bitatey Raat ke Saath .....

Kuchh Aisi Hi Kahaani Hai Uss Gaon Ki Chulbuli, Naadan , Duniya Ki Khabro Se Anjaan Ladki Ki , Jiske Mata Pita Ney Uska Rishta Pakka Kiya Hai...
Woh Sabko Samjhti Aur Sabko Khush Rakhney Ke Liye , Sabsey Thoda Jyada Jeeti Hai... Ghar Mey Rishto Ki Daulat Jyada Thi , Isliye Viraast Mey , Rishto Ko Samjhna Ussey , Apno Se Beh-Hisaab Mila Tha..
Khawahisho Ko Samet Kar Rkhna , Or Uskey Unn ,  Sametey Gaye Khawaabo Ko Pura Kareney Ke Liye , Uskey Mata-Pita Ney,  Uss Rajkumar Ka Naam , Uske Kaano Me Bharna , Bachapan Se Hi Shuru Kar Diya Tha..
Aur Uski Umr Bhi Aise Padaav Par Thi,  Jaaha Khawahisho Ka Janm Lena Lazmi Hai..
Aise Waqt Mey Uska Rishta Pakka Hona , Kuchh Aur Haseen Tha ,Uskey Liye...

Shyad Unn Kalpnaao Ko , Ab Wastavik Roop Lena Tha.., Jissey Woh Bachpan Se Chahti, Jeeti Aur Pal Pal Sahejati Aa Rahi Thi...
Aur Jiss Rajkumar Ka Naam Usney Brso Sey Sunaa Tha , Jisko Dekhne Ke Liye Usney Barso Se Aas Lagaai Thi... Uski Woh Ghadi Ab Aa Gayi Thi..
Jis Waqt Mey Woh Puri Tarh Samaayi Thi..
Usskey Sapno Me Jinaa,
Raat Bhar Uski Baate Karna ,
Sakhiyo Ko Btana,
Uski Pasand Naa Pasand Ki List Bnanaa, Unn Sabhi Khaawbo Ka ,
Ab Revisions Hone Lga Tha... Kyuki Revisions Uskey Khud Se Saheje Gaye,  Unn Khubsurt Khwaabo Aur Palo Ka Tha,  Jinko Woh Bachpan Se Padti Aayi Thi...
Aur Jab Yaado Me , Itney Khubsurt Khwaab, Armaan Or Vishwas Shamil Ho To Yakeen Maniye Aur Bhi Khubsurt Ho Jaata Hai , Uss Pal Ke Aaney Kaa Intezar ..,,
Jiskey Liye Woh Beh-Panhaa Khush Thi...
Lekin Kya , Jiskey Hone Kaa Ehsaas Itna Khubsurt Ho ,
Woh Wastavik Me Bhi Itna Haseen Or Khubsurt Hota Hai...
Shayd Mushkil Hai....
Jahaan Rishto Ko Maryada , Sammaan , Aur Partishtha Jaise Sabdo Se Jod Diya Jata Hai , Khamio Ko Majaburi Ka Naam De liya Jaata Hai...
Jahaan Zindagio Ko Saheja Nahi , Balki Baandh Diya Jata Hai...
Kuchh Aisa Hi Hua , Unn Haseen Khawbo Ke Saath , Jinka Hakikat  Sey Koi Wasta Nahi Tha... Yaa Yunn Kahiye, Yeh Sapney Aur Khawaab Uskey Nahi The...
Fir..kya..
Woh Tuti.... Aur Tut-Kar Chur Chur Hogyi...
Naa Jaaney Kyu Nahi Samet Paayi Woh Khud  Ko, Jab Ek Tez Hwa.... Bikhrney Lagi Uskey Saarey Armaano Ko.....
Lekin.....
Baat Rishto Ki Thi , Aur Rishto Ki Talim Hi... Usey Khub Mili Thi , Isilye Woh khaamosh Thi... Aur Yeh Pakka Rishta Bakhubi Nibhaa Rahi Thi...

Ek Din Sukun Kaa.....

Ummid key dhaago Mey , khawahisho ke phoolo ko piro Kar rakhta hu har din..
Isko yakeen ka Haar bannaney keliye...
Yunn toh Niklta Hun Aksar....
Mere Roshani par chhaaye inn baadlo se Ladney... lekin issey inkalti maasum Bundey,  bhigo deti Hai mere jism sey niklney waale har gusse ko , Aur Labbo par rakhi har shikayte , achank gir si jaati Hai... Inn motio se baney chhote se samundar me Kahi...
Aur.....
Mein shaant khada , mehsus Karta hun.. ek anokhey se sukun ko..
Par asal me ,Isney fsaa liya Hai.. mujhe Apne jaaduyi khel mey .., jisney merey jism Mey basey har gussey ko chura liya tha.. Aur Puri Tarah khud ko lutaaney ke baad bhi .., khud ko naa jaaney kyu  ab bhi amir samjh rha tha .
Zindagi ke khuchh aise hi , jaduyi kissey judey Hai hamerey Jivan sey..
Jiski ummid ki Roshani bahot dur tak faili Hoti Hai .. Aur Dil yeh Sochta Hai , Zindagi kaa, Ek padaav toh me Iss Roshani key sahaare , Ek din toh paar Kar lunga..
Par..
Asal Mey Zindagi bahot badmaash hai..,  waqt ke saat milkar yeh , ummid key  sahaarey khelti har khel...
Aur dimang ko Majboot Kar ,khokhla Kar deti Hai , Jivan key Har Aadhaar ko...

Aur sukun kaa Woh Ek Mukamal Din ..
Askar hamre Zindagi ke Saath huye contract ke baad bhi mukamal nhi hota..
Kyui...
USS waqt Bhi.. kuchh Rab sey, hamaarey Rooh ko sukun Miley ki prathnaa Kar rhe hote Hai ...

Gol Gappe Ki Dukaan...

Mausam Khushnuma Ho To , Aksar Nind Ke Chadar Ko Mod , Takiye ke Niche Dbaa , Safar Ke Hseen Saathi Ke Saath , Umeed ka Darwaza kholte huye ,Yeh Dil Isse Milney Nikal Padta Hai..
Aur Doob Jaata Hai Iski Madhoshiyo Mey , Jab Yeh Pehli Saans, Dilse .. Khinch Kar Bharta Hai... Nikhar Jaat Hai Jism Ki Saari Silwatey , Yeh Ishq Kuchh Iss Kadar Damktaa Hai... Yunn Toh
Waqt Ke Saath , Yeh Pet Bhi Machalta Hai , Aur Jeb Me Padey Uss 10 Rupye Ki Or Ishaara Karta Hai..
Kya Khaye , Kahaan Khaye , Kitna Khaaye , Isi Soch Me , Yeh Naa Jaaney Kyu Itna Bhatakta Hai...
Talaash Khatam Hoti Yaa Nazrey Ruk Hi Jaati Hai... Jab Uss GOL GAPPE Ki Dukaam Par Uskaa Woh Sundar Mukhda Chamkta Hai...
Pair Khud Hi Ruk Jaate Hai Uski Dukaan Par ,Aur Woh 10 Ka Note Bhi Sath Hi Sath Niklta Hai..
Yeh Ho Rha Hai , Yaa Me Kar Rha Hun ,
Yaa Fir Yehi Sochta Hua Fisal Raha Hun..
Yeh Tey Karna Mushkil Ho Gya Tha..
Aur Mey Usko Dil Ki Nazr Se Notice Kar Rha Tha...
Uski Ankho Ka Yun Mtakna , Gol Gappe Ko , Uss Harey Tikhey Paani Ke Saath Apne Labbo Ke Bich Rakh Kar Khana , Aur Uski Lal Mithi Chatni Kaa Uskey Labbo Par Lag Jaana..
Uskey Baad Bhaiya Se Yeh Kehnaa Ki , Arey Thoda Ro Tikhaa Bannaao, Par Thoda Jaldi Bhi Khilaao.. ,
Humarey Liye Toh Maano Woh GOL GAPPE Ki Dukaan Naa Ho , Jannat Ka Woh Ghar Ho , Jo Humey Marney Ke Baad Mila Tha..
Aur Hum Khoye Sey The Uskey Har Adda Mey.. Jo Behad Aam Si Hi Thi ...
Par Humarey Liye Behad Khaas Ban Rahi Thi... Ke..
Tabhi Ek Awaaz Si Gunjati Hai  Humarey Drmyaan , Aur Nazrey Uskey Saath Khadey Bhai Sey JaaKar Milti Hai...
( Uss Waqt YamRaj Ka Roop Maano Usko)
Uski Aankho Kaa Size Dekh , Uskey Dil Ki Saari Baat Samjhti Hai.... Hum Bhi Woh 10 Ka Note Waaps Apni Jeb Mey Rakh,  Apni Raah Badaltey Hai..

Saal Ka Woh Ek Din , Aur Intezar

Safar kaa mazaa akeley Lena, thoda mushkil Hai..
Tez barish me Ghar sey Nikla, thoda mushkil Hai.. 
Mushkil Hai inn hwaao kaa kaid honaa...
Yeh Ishq , sach kahu...
Tera , Intezar krna,  Mushkil Hai....
Sunna Hai Ishq me baicheniyaa khaa jaati Hai , Rooh ko, 
Aur Jism ko aksr , Intezar dfnaa deta Hai..

Kuchh aisi hi , khwahisho ko dafn Karti yeh kahani Hai , Alter Ishq ki.....
Jismey uska woh din bhi mayuss bhara Hai , jisme Woh khulkar Jiti Hai ,Khudi ko....
Waise , Apna desh bhaarat , festivals yaani teej tevhaaro Ka Maha-Sagar Hai ..
Ismey har rishtey Aur har insaan ke liye, koi naa koi ek parv , upwaas yaa utsav shamil Hai... Joh utna hi khubsurt Hai , Jitna Uske aaney Ka Intezar krnaa...

Toh ab Aayie iss kahani Mey Alter Ishq ko samjhne ki koshish Katey Hai..

Ek Ishq Jo Ghar me rehta Hai , aur talaash Karta Hai apna Woh saathi jisme Yeh Ishq bstaa hai..
Aaj naa jaaney kyu yeh behad niraash Hai..
Din khushio kaa Hai , Par Iske Dil me  mayusio Ka waas Hai...
Din dhalta Hai toh , toh yeh Ghar ke chhat par chadh , Apney Ishq Ka Intezar Karti Hai, Jo issey Kahi dur , jaa bsaa Hai..

Aaj Pura Saal hone ko Aaya Hai , Aur Woh Ishq abhi wapas nhi Aaya Hai..

Aur Iska,  Woh tevhaar aa gya , Jo Uske Bina adhura Hai.. Aaj Ghar me, badi chachi , Didi , Bhaiya , Sakhi - Saheli , Sb bahot Khush Hai.. lekin yeh aaj bhi Intezar Mey Hai, Apni Puri Khushi key..
Wese toh ....
Bazaar ki karib, sabhi kimti chizo ko kharid , khud ko behad kimti bnya Hai.
Lekin fir bhi iska mol laganey wala, Ghar nhi aaya Hai... Yunn toh
Khubsurti ko kharid mene , Isney saadi Mey pehna Hai, Aur aankho ki chamak , Isske  kaajal kehnaa Hai..
Gahno ko samet Isney , Aaj Har Sringaar Kar dhaaley Hai...
Saji aaj Puri Hai... Fir bhi adhura har ek Sapna Hai..

Subah kaa Suraj dubta ,Aur shyaam kaa chaand niklta Hai ...
Intezar kaa har pehar ,Naa Jaaney Apni konsi baat, issey kehta Hai..
Aur yeh Apni Ishq ki yaad ko liye , bs Ussi key aane intezar karta Hai..
Intezar , mayusi ko khat likhta Hai Aur iskey Dil ke saamney , yeh Pura Sandesh padhta Hai.., 
Jisey Sunkr, Iska Mnn naa jaaney kyu,  itna tadpta Hai.. Aur uskey Naa aaney kaa ishaara samjhta Hai...
Fir uski yaado ko Sahil bnaa ,  Aankho key jariyein , khwaabo Mey Bula ,
Ishq key Unn khubsurt Palo ke Saath sone lgta Hai... Jismey Woh Ishq Dilsey  samjhta Hai...

Ek Tukda KARZ

Hello , Dosto...
Ek baat Hai..agar aap kisi karz Mey Hai, ab Woh karz chahey jis Roop me ho ,  lekin yeh karz  aksr hme satata Hai , thoda preshan Karta Hai , aur apno se dur le jaata Hai...
Yun toh anek log jitey Hai , aisi hi Kisi kashmakash me , or khud ko bhul jaatey ... dartey Hai khudsey , par Naa Jaaney kyu Auro ko dratey Hai..
Khud ko Iski bedio me kar kaid , mujrim sey ban jaatey Hai..
Samjhna kuchh nhi chahtey , fir bhi sabko samjhatey Hai...

Aisi hi ek kahaani Hai , jisme Ek alter Ishq bstaa Hai...

Toh Aayie Iss kahaani ki baat krtey Hai...

Dur Ek Gaon me , Nadio , Pahado Aur khubsuat harey kheto , ke bich ek Ishq basaa thaa ,
Jahaa subah ki taan Aur shyaam ki Ajaan ko waqt man jeet leti hai..
Ugatey Suraj Aur Nikalte Chaand me basti Zindagi jahaa, jahaa bahot khubsurt lagti Hai..
Logo ke bich ki muskuraaht , ney bhi iss Gaon ko ek manmohak Roop Diya Hai...
Or Inn Sankey bichh Woh bhi thi Jo , Iss khubsurti ko Aur haseen bnaaney me lgi Hai..
Jo
Thodi natakht , todhi chulbuli thi..
Par Dil ki , bahot bhali thi...
Roop aisa ki Kisi ko bhi , ussey pyaar ho jaaye...
Aur asal maayeno Mey , Usko ho gya , yeh Ishq ..
Woh bhi ussey
Jo inn  haseen wadiyo me,  rahakar bhi, inn khubsurt waadio or inmey rehtey logo Ka nhi hai ..., Khair...
Safar kaa paymaanaa thoda badta Hai..
Aur Inn dono kaa Dil,  Thoda Aur pighlta Hai..
Khyaawb Or khwahisho key panno ki kitaab, ban chuki thi,
Par Naa Jaaney kyu, Yeh Zindagi Unki wahi Ruki thi...
Ishq ke Saath hi Saath  , pareshanio ki ek Potli bhi thi, jismey saari baate chhipi Hai..
Potli khuli toh , thodi Aur Uljh si gayi Zindagi..,
Uski pehli hi khwahish me, simat si gayi Zindagi..
Shabdo Ka pitara khulaa toh.. baat,  ek Karz par aa tiki.... Wese toh
Iss Karz Ka koi mol nhi tha , shyad isilye Anmol tha..,
Par kuchh bhi kaho..,
Ishq ke panno me,  yeh pannaa... bhi kaafi ahem tha..., Kukyi
Jinhoney paala mujhe itney Saal sey, unsey gadaari kese kartey..
Nazro ko.. Kar band , kinki pehredaari kaise kartey...
Baanho ko khol , Jo Swaagat kartey Hai aaj tak Mera...
Unki baanho ko chhod , hum Nadaani kaise kartey ...,
Par Ishq me uljhe hum, uski pehli hi khwahish me fasey the...,
Aur Ek Baar firsey chuppi lagaaye wahi khadey the...,
Aankho namm thi , par usiko Dekh rhi thi.,
Unsey bhi, dhyaan sey Dekha hmey..
Fir Dhirey sey aankho ko upar Kar , uss asmaan ko nihaarney lgaa..
Hum bhi uski niraash aankhey,  Dekh sab samjh gye they..
Ab, Jahaa Zindagi Har mod par , khud ko naap-taul Kar chalti Hai... wahaa khawahise, sabki puri nhi hoti.... Aur naajaane konsa karz hota Hai ,
Jo rok deta hamey, karch hone sey..., Shayd
Hum Iss Ek tukdey karz ko samjh gye they.... isilye kuchh Anjaan sey khadey the...

Maasoom Si Zidd ....

Raat key samay taaro Ney , ek kaaley chaadar par , khud ko piro Kar , Roshani Dena shuru Kar Diya thaa.. Lekin
Chaand kaa , abhi aakar , uss kaaley chaadar par chhanaa baaki thaa..
Nazrey uss chaand ko Dekh , Uskey roop ko chhuna chaahti thi...
Itney Mey chaand Ney dastak dikhayai..
Aur , taaro ki himmat badhaayi...
Aur Dharti par Roshani failayi...
Iss pyaar bhari Roshani sey Dharti bhi muskuraayi...
Aur Woh , Ab bhi...Chhat ke koney par bethaa..,
Apney chaand ke intejaar Mey,  mobile liye..,
Iss chaand ke , aaspaas key taaro ko Dekh Rha tha..
Aur iskey, sath hi sath ...
Chhat key uss kono par Beth Kar ,woh mn hi mn , Naa jaaney konse saheen khwaab , jee rha tha...
Waqt kaa silslaa , yunn hi uski Soch ke Saath badta gya.. Aur Woh,  thoda wyaakul saa ho uthaa..
Usney fir , kayi Baar ,
Apney phone sey uskey phone ki ghanti bajaayi...
Par har baar nirasha hi haath aayi...
Waqt kaa bitnaa Aur Uskey phone kaa Naa Uthnaa,
Dono hi usey maayus Kar rhe the .. Aur Kahi naa Kahi ....
Uskey dimaag sey khel , usko kathor Kar rhe the... Asar bhi jald hi dikhaa..
Jb , Usney zidd ki raah apnaayi..
Aur khud sey , kuchh yunn kahaa..,

Intezar Mey jalnaa kya,
Mey ussey baat Karna chhor dungaa.
Naa Uthaungaa phone, Naa karungaa,
Arey., Mey to ussey milnaa chhor dungaa.

Itna keh Kar , Woh uss chhat ke kone sey uthta Hai .. Aur Do hee kadam chalta Hai...
Ki itney mey , uska woh maayuss saa phone, Bajta Hai...
Mobile Mey uska Number dekh , Uska mn bhi pighlta Hai..
Fir kyaa , kuchh hi Palo Mey
Uss maasoom sey zidd kaa,
janaajaa uthta Hai..
Aur kadmo ko pichhey Kar , Woh Chhat kaa wahi konaa pakdta Hai....

Bus Ki Ek Seat....

Subah kaa Suraj , shyaam me dhal rha tha..
Mausam bhi apna mizzaj badal,
Toofan ko invitation card, dey chukaa tha...
Or issi mausam ke drmayaan,
Mey Apni bus kaa intezar Kar rha tha..
Thodi Der bitey hi they , key intezar khatm hota Hai ..
Bus nazar aati hai, par mn baichen hota Hai.. Karan sirf itna... ki..
Bus me bhid bahot thi..
hum thakey bhi bahot they..
Or seat ki ummid bhi nhi thi...
Mausam ke halaat badlte Dekh ..
bus ko pakdna hi munasib samjha...
Bus me , shaamil hotey hi..
Samundar ki pahli Lehar se, takraaye hum..
Or pehli Lehar ke sath hi , khuchh kadam hi aagey badh paaye hum.. ab kyuki lehro Ka silsilaa jaari rha..
Toh hmney bhi Puri koshish Kar, Ek kinara pakd hi liya...
Or bolaa aaney do ab, inn  sheitaan lehro ko... hum to bs yehi jame rhenge..,
Itne mey jis seat ki Rod humey pakdi thi ..
Uss seat par baitha bandaa , thodi haraart dikhata hai..
Thoda saa hilta Aur humsey puchhta hai..
Bhai kyaa yehi Ram Nagar kaa stop hai..?
Uskey itna puchhte hi , Dil naach uthtaa..
Aur hmney muskuraatey huye kahaa...
Ji  ji.. bus agla hi stop hai..
Itna suntey hi , chaar nazro Ney bhi uss seat par nazre gadaai..
Maano Saawan ke jhulo Mey , patjhad Ney le li ho angdaai...
Lekin uss seat ki Rod ko pakdey hum , maano Sher ki tarh daad rhe they....
Pura kabjaa kiye huye , bs mauke ko ,
Nihaar rhe they....
Itne me parinda udaa , aur humey cheel si tezi dikhaatey huye uss seat ko lapk liyaa..
Fir Baith kr ,ek lambi saans li...
Aur Unn chaar Nazro sey , Nazrey Churaayi...
Itney Mey mausam Puri, Angdaai le chuka tha..
Baarish ki bundo sang ,  Mausam, behad khushnumaa ho gya tha..
Safar thoda lammba tha..
Isliye Hume iss, Ek Seat kaa matabl pta tha...

Kyaa apke Saath aisa hua Hai.. comments box me btaye...